بۇگىن  ل.ن گۋميليەۆ اتىنداعى  ەۋرازيا  ۇلتتىق ۋنيۆەرسيتەتىندە «رۋحاني جاڭعىرۋ  جانە  تاريح  عىلىمىنىڭ  جاڭا  مىندەتتەرى» اتتى وتاندىق  تاريحشىلاردىڭ  IV  كونگرەسى  ءوتتى  جاتىر دەپ حابارلايدى قامشى اقپاراتتىق اگەنتتىگى. 

وعان  قازاقستاننىڭ بارلىق وبلىستارىنان رەسپۋبليكاعا  تانىمال  تاريح- گۋمانيتارلىق عىلىم مەن ءبىلىم  سالاسىنىڭ  كورىنەكتى وكىلدەرى،  ق ر پارلامەنتىنىڭ دەپۋتاتتارى، سونىمەن قاتار شەتەلدىك قوناقتار كەلىپ  قاتىسۋدا. كونگرەستى وتكىزۋدىڭ باستى ماقساتى ەلباسىنىڭ – قوعامدىق  سانانى جانە رۋحاني   ورلەۋدى جاڭعىرتۋ باعىتىنداعى جاڭا باستاماسىنا قولداۋ كورسەتۋ. سونداي-اق  وتاندىق  تاريح عىلىمى مەن  ءبىلىم  بەرۋ  سالاسىنىڭ  وزەكتى  ماسەلەلەرىن  تالقىلاۋ مەن مەكتەپ  پەن  جوعارى وقۋ ورىندارىنىڭ مازمۇندىق جاعدايىن جاقسارتۋعا جەتە ءمان بەرۋ.  وسى  كونگرەستىڭ  وتۋىنە  مۇرىندىق  بولىپ،  العاش ءسوز العان  ەۇۋ رەكتورى  ە.سىدىقوۆ مىرزا  «قازاقستان رەسپۋبليكاسى  قازىرگى تاڭدا رۋحاني جاڭعىرۋعا بەتبۇرىس جاساپ وتىر. بۇل ورايدا ەلباسى ن.ءا.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى، ەلىمىزدىڭ  تاريحى مەن ءداستۇرى،  ادەت-عۇرپىن قايتا جاڭعىرتۋعا باعىتتالعان جاڭا باستامالاردى كوتەردى. ەلباسى ءوز ماقالاسىندا «مەن  حالقىمنىڭ تاعىلىمى مول تاريحى مەن  ىقىلىم زاماننان ارقاۋى ۇزىلمەگەن  ۇلتتىق سالت-داستۇرلەرىن الداعى وركەندەۋدىڭ بەرىك  ءدىڭى  ەتە  وتىرىپ، ءار ءبىر  قادامىن  نىق  باسۋىن،  بولاشاققا  سەنىممەن  بەت  الۋىن  قالايمىن» دەپ اتاپ كورسەتكەن بولاتىن»  دەدى.  كونگرەستە شەتەلدىك  جانە  قازاقستاندىق  عالىمدار  تومەندەگىدەي  «وتاندىق تاريح عىلىمى مەن ءبىلىمىنىڭ وزەكتى ماسەلەلەرى»، «لاتىن الىپبيىنە كوشۋ رۋحاني جاڭعىرۋدىڭ  نەگىزگى ەلەمەنتى رەتىندە»،  «ۇلتتىق كود مادەني بەلگىلەر مەن قۇندىلىقتار جۇيەسى رەتىندە»  سەكىلدى الۋان  ءتۇرلى  تاقىرىپتار   توڭىرەگىندە   ءوز  ويلارىن  ورتاعا  سالاتىن بولادى.